داتا گنج بخش کا عرس
لاہور میں حضرت داتا گنج بخش کے نام سے مشہور صوفی بزرگ سید علی بن عثمان ال ہجویری کے 971 ویں سالانہ عرس کی تین روزہ تقریبات جاری ہیں۔
اس موقع پر ملک بھر سے عقیدت مند یہاں آتے ہیں اور حاضری دینے کے ساتھ ساتھ منتیں اور دعائیں بھی مانگتے ہیں۔
مختلف علاقوں سے ملنگوں کی بڑی تعداد بھی یہاں اکھٹا ہوتی ہے جبکہ کئی گھنٹوں تک ڈھول کی تھاپ پر رقص کے ذریعے صوفیانہ رنگ میں رنگنے کی کوشش کی جاتی ہے۔




















