10 کلو سونا،اسٹار وارز تھیم ، 2016 کا کلینڈر
ٹوکیو: نئے سال کی آمد پر نت نئے انداز کے کیلینڈر مارکیٹ مینں آنا معمول کی بات ہے لیکن جاپان میں 10 کلو گرام سونے سے بنا 'اسٹار وارز' (Star Wars) تھیم کلینڈر نمائش کے لیے پیش کیا گیا۔
ٹوکیو کے مشہور شاپنگ مال میں ایک سُنار گنزا تاناکا (Ginza Tanaka Jewelry) نے ہالی ووڈ فلم اسٹار وارز کی تھیم پر سونے کا کیلینڈر بنایا۔
آئندہ سال 2016 کے اس کیلنڈر کی مالیت 8 لاکھ ڈالرز (8 کروڑ 50 لاکھ پاکستانی روپے) کے قریب بتائی جاتی ہے۔
یہ انوکھا کلینڈر 10 کلو گرام خالص سونے سے بنایا گیا ہے۔
جیولر نے اس کے ساتھ ہی سونے کے چھوٹے کلینڈرز اور میڈلز بھی بنائے ہیں جن کی قیمت 120 ڈالرز سے شروع ہو رہی ہے۔
تاناکا جیولرز کی جانب سے ہر سال کی آمد پر اس طرح کے کیلنڈرز کا اجراء ایک روایت بن چکا ہے، یہ سلسلہ 2006 میں شروع کیا گیا تھا۔
گزشتہ برس تاناکا جیولرز نے پلاٹینیم کا کیلنڈر جاری کیا تھا.
گزشتہ برس 2015 کے لیے جاری کیے گئے پلاٹینیم کے کلینڈر کی لاگت کا اندازہ 100 ملین ین لگایا گیا تھا۔
لائیو ٹی وی