علی حیدر گیلانی کی 3 سال بعد گھر واپسی
کابل/ لاہور: سابق وزیراعظم اور پاکستان پیپلز پارٹی (پی پی پی) کے سینئر رہنما یوسف رضا گیلانی کے 3 سال قبل اغواء ہونے والے بیٹے علی حیدر گیلانی کو افغانستان سے بازیاب کروا لیا گیا۔
افغانستان سے علی حیدر گیلانی خصوصی طیارے سے لاہور واپس آئے۔
علی حیدر گیلانی کا لاہور پہنچنے سے قبل کہنا تھا کہ ’میں اپنی فیملی سے ملنے کے لیے بے تاب ہوں‘۔
علی حیدر گیلانی کی واپسی کی خوشی میں لاہور اور ملتان میں گیلانی ہاؤس کے باہر جشن کا سماں دیکھنے میں آیا۔
اس دوران کارکن ڈھول کی تھاپ پر بھنگڑے ڈالتے رہے اور مٹھائیاں بھی تقسیم کی گئیں۔
تبصرے (1) بند ہیں