ڈاؤلینس 258ملین ڈالر کے عوض ترک کمپنی کے حوالے
کراچی: گھریلومصنوعات بنانے والی دنیا کی مشہور کمپنی آرسیلک اے ایس نے پاکستانی کمپنی ڈاؤلینس کو عالمی مارکیٹ میں وسعت دینے کے لیے 258 ملین ڈالر کے عوض خریدنے کا اعلان کردیا۔
ایک پریس کانفرنس میں کہا گیا کہ آرسیلک کے ساتھ اس سودے میں آبادی کے لحاظ سے دنیا کے چھٹے بڑے ملک کو معاشی ترقی میں مدد ملے گی۔
شرائط کی منظوری کی صورت میں کمپنی کی حوالگی 2016 کے اختتام تک متوقع ہے۔
پاکستانی معیشت کے حوالے سے پیش گوئی کی جارہی ہے کہ اگلے تین سالوں میں سالانہ 5 فی صد بہتری آئے گی۔
ڈاؤلینس کی بنیاد پرائیویٹ کمپنی کے طور پر 1980 میں کراچی میں رکھی گئی تھی، اس کے دو پیداواری یونٹ کراچی اور حیدرآباد میں قائم ہیں جہاں 3 ہزار کارکن مختلف شعبوں میں کام کرتے ہیں۔ ڈاؤلینس ریفریجریٹر، آئرکنڈیشنرز، مائیکرویواونز، واشنگ مشین اور فریزر تیار کرتا ہے۔
ڈاولینس نے سال 2015 میں 221 ملین ڈالر کا سرمایہ حاصل کیا۔
کوس ہولڈن کے چیف ایگزیکٹیو لیونٹ کیکراوگلو کا کہنا تھا کہ آرسیلک نے پاکستان میں عالمی معاشی اسٹریٹجی کے پیرائے میں اہم سرمایہ کاری کی ہے اور یہ سرمایہ کاری پاک-ترک معاشی تعلق کو مزید مضبوط کرے گی۔
ان کا کہنا تھا کہ ڈاولینس کے ہمارے گروپ میں شمولیت سے ہم پاکستان میں مضبوط معیشت کے لیے مضبوطی سے پنجے گاڑھیں گے۔
کوک ہولڈنگ کے کنزیومر ڈیورایبلز گروپ کے صدر فاتح ایبک لی اوگلو کا کہنا تھا کہ 'پاکستان 2 سوملین آبادی کے ساتھ دنیا کا چھٹا گنجان ملک ہے، باالخصوص اس کی نوجوان آبادی اور مضبوط ہوتی معیشت اس کو خطے کی مارکیٹ کا اہم حصہ بنا دیتی ہے۔
یہ خبر 2 جولائی کو ڈان اخبار میں شائع ہوئی
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی