امریکا میں برفانی طوفان نے نظام زندگی مفلوج کردیا
امریکا میں سرد طوفان سے ہلاکتوں کی تعداد 55 ہوگئی، یخ بستہ ہوائیں اور جان لیوا برفانی طوفان کی وجہ سے نظام زندگی مفلوج ہوگیا۔
برطانوی نشریاتی ادارہ ’اسکائی نیوز‘ کے مطابق امریکی ریاست نیویارک میں گاڑیاں برف میں پھنسی ہوئی ہیں، لاکھوں لوگ شدید برف باری کے باعث گھروں میں محصور ہو کر رہ گئے ہیں۔
تیز ہواؤں کے ساتھ ’بم سائیکلون‘ نامی طوفان ریاست نیویارک کے دوسرے بڑے شہر بفلو سے ٹکرایا، طوفان کے سبب پورے علاقے نے جیسے سفید چادر اوڑھ لی، ان حالات نے ایمرجنسی رسپانس کی کوششوں کو مفلوج کر دیا۔
بفلو میں 25 ہلاکتیں ہو چکی ہیں تاہم مزید ہلاکتوں کا بھی خدشہ ہے، شہر میں 2 سے 3 انچ تک برف باری کا سلسلہ جاری ہے۔
’اے ایف پی‘ کے مطابق بفلو انٹرنیشنل ایئرپورٹ بھی منگل تک بند کردیا گیا ہے، حد نگاہ کم ہونے پر شہریوں کے لیے سفری پابندی برقرار رکھی گئی۔
تبصرے (0) بند ہیں