فیض آباد احتجاج کیس: وزیر اعلیٰ خیبر پختونخوا کا اشتہاری کا اسٹیٹس ختم نہ ہوسکا
پاکستان تحریک انصاف (پی ٹی آئی) کے بانی عمران خان کی نااہلی کے خلاف فیض آباد کے مقام پر احتجاج کرنے کے مقدمے میں وزیر اعلیٰ خیبرپختونخوا علی امین گنڈا پور کا اشتہاری کا اسٹیٹس ختم نہیں ہوسکا۔
ڈان نیوز کے مطابق اسلام آباد کی انسداد دہشتگردی کی خصوصی عدالت میں استغاثہ کے گواہان کے بیانات ریکارڈ نہیں ہوسکے۔
عدالت نے پیش ہونے والے ملزمان کی حاضری کے بعد سماعت ملتوی کردی۔
کیس میں سینیٹر فیصل جاوید خان، سابق ڈپٹی اسپیکر واثق قیوم و دیگر پر فرد جرم عائد ہو چکی ہے، تاحال استغاثہ کے 3 گواہان کے بیانات ریکارڈ ہوئے ہیں۔
کیس کی اگلی سماعت پر گواہان پر جرح اور مزید گواہان کے بیانات ریکارڈ کیے جائیں گے، علی امین گنڈا پور و دیگر کیخلاف اسلام آباد کے تھانہ انڈسٹریل ایریا میں مقدمہ درج ہے۔
لائیو ٹی وی