رینٹل پاور کیس میں تمام ملزمان کے سمن جاری
اسلام آباد: اسلام آباد کی ایک احتساب عدالت میں رینٹل پاور کیس میں آئندہ کی سماعت پر تمام ملزمان کو طلبی کے سمن جاری کردیے۔ عدالت نے ہدایت کی کہ اگلی سماعت میں تمام ملزمان حاضری کو یقینی بنائیں۔
احتساب عدالت کے جج محمد بشیر نے رینٹل پاور ریفرنس کی سماعت کی۔ اس دوران سماعت سابق وزیراعظم راجا پرویز اشرف کے وکیل امجد اقبال قریشی عدالت میں پیش ہوئے۔
تاہم ملزمان کی عدم حاضری کے باعث فرد جرم عائد نہ کی جاسکی اور کیس کی سماعت بغیر کسی کارروائی کے نو اپریل تک ملتوی کر دی گئی۔
عدالت نے آئندہ سماعت پر ملزمان کو حاضری یقینی بنانے کی ہدایت کی ہے ۔
لائیو ٹی وی