سینیٹ انتخابات: پی ٹی آئی کا الیکشن کمیشن پر دھاندلی کا الزام
اسلام آباد: پاکستان تحریک انصاف کی ترجمان شیریں مزاری نے کہا ہے کہ الیکشن کمیشن نے آر اوز (ریٹرننگ افیسرز) کو خط میں خواتین کو نظرانداز کرنے کا کہا ہے۔
شیریں مزاری کہتی ہی کہ الیکشن کمیشن مسلم لیگ (ن) سے مل کر پری پول ریگنگ کر رہا ہے۔
سینیٹ انتخابات کے حوالے سے الیکشن کمیشن پر تحفظات کا اظہار کرتے ہوئے شیریں مزاری نے کہا کہ الیکشن کمیشن کی جانب سے اراوز کو لکھا گیا خط قابل تشویش بات ہے۔
شیریں مزاری کے مطابق الیکشن کمیشن نے آر اوز کو خط میں خواتین کو نظرانداز کرنے کا کہا ہے۔
ان کا کہنا تھا کہ الیکشن کیمشن سینیٹ انتخابات میں مسلم لیگ (ن) کو فاہدہ پہنچانے کے لیے رولز کی خلاف ورزی کررہی ہے۔
شیریں مزاری نے مزید کہا کہ 2013 کے انتخابات میں بھی الیکشن کمیشن نے آر اوز کو خفیہ خط لکھا تھا۔
انہوں نے کہا کہ سپریم کورٹ حملے میں ملوث چوہدری تنویر کو مسلم لیگ (ن) سینیٹ میں لانا چاہتی ہے، الیکشن کمیشن ن لیگ سے مل کر پری پول ریگنگ کررہا ہے الیکشن کمیشن سے ملاقات میں اس معاملے کو اُٹھاہیں گے۔
ان کا کہنا تھا کہ الیکشن قوانین کے دفعہ20 کے مطابق ووٹ بدل نہیں سکتے ۔
لائیو ٹی وی
تبصرے (1) بند ہیں