جسمانی فٹنس سخت مسابقت والے اس عہد کے لیے انتہائی ضروری ہے جب ہر فرد کو اپنے کام سے متعلق تناﺅ اور دباﺅ کا سامنا ہوتا ہے۔ صحت مند طرز زندگی گزارنے کے لیے نہ صرف روزمرہ کی سرگرمیوں میں تناﺅ پر قابو پانا ضروری ہے بلکہ یہ طویل المعیاد بنیادوں پر فائدہ مند امر بھی ہے۔

اسمارٹ فونز کی بدولت اب کسی جم کی رکنیت یا ذاتی ٹرینر کی ضرور نہ ہونے کے برابر رہ گئی ہے۔

متعدد فٹنس اپلیکشنز اینڈرائیڈ اور آئی او ایس ڈیوائسز کے لیے دستیاب ہیں جو اس خلاء کو پر کر کے آپ کو فٹنس سرگرمیوں پر نظر رکھنے کی سہولت فراہم کرتی ہیں، ان میں سے چند درج ذیل ہیں۔

میپ مائی رن

اگر آپ روزانہ جاگنگ یا دوڑ کے عادی ہیں تو میپ مائی رن نامی اس ایپ کے استعمال کو ترجیح دیں۔ یہ اس فاصلے کی نشاندہی کرے گی جتنا آپ دوڑیں گے اور سائیکلنگ، چہل قدمی، جم ورک آﺅٹ، یوگا اور دیگر متعدد سرگرمیوں کا حساب بھی رکھے گی۔

یہ جی پی ایس کو استعمال کرتے ہوئے آپ کی رفتار، روٹ، فاصلے، کیلوریز کے جلنے اور دیگر چیزوں کا حساب کتاب بھی کرے گی۔ اس میں آپ بہترین ایکٹیویٹی ٹریکنگ ڈیوائسز جیسے فٹ بٹ اور جرمین وغیرہ کا ڈیٹا بھی امپورٹ کیا جاسکتا ہے۔

ڈاؤن لوڈ لنکس: آئی او ایس، اینڈرائیڈ.

اسٹراوا

سائیکلنگ کے شوقین اور رنرز کے لیے اسٹراوا ان کی سرگرمیوں کی ٹریکنگ کے لیے بہترین ایپ ہے۔ یہ درست روٹ کو ٹریک کرنے کے لیے مقبول ترین اپلیکشنز میں سے ایک ہے، جبکہ یہ رفتار، ارتقائی تبدیلیاں، طاقت اور اتار چڑھاﺅ کے اعداد و شمار سے بھی آگاہ کرتی ہے۔

اس ایپ میں صارفین کا بڑا ڈیٹا بیس ہے جس میں آپ اپنے دوستوں کو بھی شامل کر کے ان سے موازنہ اور چارٹ پر اوپر موجود افراد سے مسابقت بھی کرسکتے ہیں۔ اپنے پرسنل ریکارڈ بنانے کے ساتھ ذاتی سرگرمیوں کو سوشل میڈیا پر بھی شیئر کرسکتے ہیں۔

ڈاؤن لوڈ لنکس: آئی او ایس، اینڈرائیڈ.

فٹ اسٹار پرسنل ٹرینر

فرسٹ اسٹار ذاتی تربیت کے لیے منفرد اپروچ فراہم کرتی ہے۔ یہ آپ کو فٹنس معمولات کے عزم کا موقع تربیتی ویڈیوز اور ٹریکس کی مدد سے دیتی ہے، ٹریکنگ ڈیوائسز سے منسلک ہوکر آپ کے وزن اور فٹنس سرگرمیوں سے خودکار سنکرونائز ہوجاتی ہے۔

یہ ایپ صرف آئی او ایس ڈیوائسز کے لیے ہے اور یہاں سے ڈاﺅن لوڈ کی جاسکتی ہے.

فٹنس بڈی

یہ ایپ چار سو سے زائد ورزشوں اور ان کی تفصیلی وضاحت کے ساتھ ساتھ ورک آﺅٹس کی کلیکشن پر مشتمل ہے۔ فٹنس بڈی ایک لازمی ایپ بھی قرار دی جاسکتی ہے۔

ورزش کو مختلف درجوں میں تقسیم کرکے تفصیلی ہدایات دیتی ہے کہ کس طرح ورزش کی جانی چاہئے، اپنے جسمانی وزن کو ٹریک اور جسمانی پیشرفت کو گراف کرنے میں مدد دیتی ہے۔

یہ آپ کو اپنا ورزش کا روٹین تیار کرنے میں بھی مدد دیتی ہے اور استعمال کے لیے آلات کے انتخاب میں مدد دیتی ہے۔

ڈاؤن لوڈ لنکس: آئی او ایس، اینڈرائیڈ.

جی فٹ ورک آﺅٹ

یہ ایپ خاص طور پر جم کے شوقین افراد کے لیے ہے۔ یہ آپ کو اپنے ذاتی ورزش روٹین کو تشکیل دینے، روزانہ کے فٹنس پلان، جسمانی اعداد و شمار کی ٹریکنگ اور ورک آﺅٹ پیشرفت پر نظر رکھنے میں مدد فراہم کرتی ہے۔

اس میں 1300 سے زائد منفرد ورزشوں کا وسیع ڈیٹابیس، دوستوں کو ایڈ کرنے اور عزم بڑھانے کے لیے بڑی برادری سے رابطے جیسی سہولیات موجود ہیں۔

یہ آپ کے لیے کارڈیو، یوگا، فٹنس اور مضبوطی کی تربیت کے حوالے سے ورزشوں کی ٹریکنگ ایک بٹن سے ممکن بناتی ہے۔

ڈاؤن لوڈ لنکس: آئی او ایس، اینڈرائیڈ.

یہ مضمون ڈان کے سنڈے میگزین میں 3 جنوری 2016 کو شائع ہوا.

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔