کلب سوڈا کے دنگ کردینے والے 10 استعمال

اپ ڈیٹ 15 دسمبر 2018
— کریٹیو کامنز فوٹو
— کریٹیو کامنز فوٹو

کلب سوڈا یا کاربونیٹ واٹر کو محض ایک مشروب سمجھتے ہیں ؟

اگر ہاں تو اپنی سوچ کو بدل لیں کیونکہ یہ بظاہر عام نظر آنے والا مشروب آپ کو روزمرہ کی مختلف مشکلات سے بچانے میں مددگار ثابت ہوتا ہے۔

یقین کرنا مشکل ہوگا مگر درج ذیل میں اس کے فوائد آپ کو دنگ کردیں گے۔

پودوں کی افزائش

اگر کلب سوڈا کی کچھ مقدار پینے کے بعد بچ جائے تو اسے گھر میں لگے پودوں کو پانی دینے کے لیے استعمال کرلیں، اس سوڈا میں موجود منرلز سبز پودوں کی افزائش میں مدد دیتے ہیں، زیادہ سے زیادہ فائدہ حاصل کرنے کے لیے ہفتے میں ایک بار پودوں کو اس سوڈے سے نہلا کر دیکھیں۔

کپڑوں کے داغ مٹائے

بُنائی والے کپڑوں پر چکنائی کے داغ صاف کرنے کے لیے دھبوں پر سوڈے کو انڈلیں اور نرمی سے رگڑیں، اگر کارپٹ پر داغ ہٹانا ہو تو تیزی سے رگڑیں۔

مہنگے پتھروں کی صفائی

ہیرے، نیم، زمرد یا یاقوت وغیرہ کو کلب سوڈا میں ڈبونے سے ان کی چمک واپس لائی جاسکتی ہے، بس ایک گلاس کلب سوڈے میں اپنے زیورات کو رات بھر کے لیے چھوڑ دیں اور صبح نکال لیں۔

مزید پڑھیں: کولڈ ڈرنکس کے یہ نقصانات دنگ کردیں گے

گاڑی کی ونڈ شیلڈ چمکائیں

کلب سوڈا کو ایک اسپرے بوتل میں بھر کر گاڑی میں رکھنا شروع کردیں، جب پرندوں کا فضلہ یا چکنے داغ ونڈ شیلڈ پر ہوں تو اس کاربونیٹ واٹر کو چھڑک کر صاف کرلیں۔

پیٹ ٹھیک کرے

ٹھنڈا سوڈا کھانا ہضم نہ ہونے سے پیدا ہونے والے پیٹ کے مسائل کو ٹھیک کرنے میں حیرت انگیز کام کرتا ہے۔

گندے سِنک کی صفائی

کلب سوڈا کو براہ راست اسٹیل سے بنے کاﺅنٹر اور سنک میں انڈلیں، اسے نرم کپڑے سے رگڑیں اور پھر گرم پانی سے دھو کر کپڑے سے خشک کرلیں۔ اسی طرح چینی کے برتن پر بھی سوڈا انڈیل کر نرم کپڑے سے پونچھ لیں وہ صاف ہوجائیں گے۔

زنگ دور بھگائیں

نٹ بولٹ پر جمع ہوجانے والے زنگ کو دور کرنے کے لیے ان پر کچھ مقدار میں سوڈا ڈالیں، اس میں موجود کاربونیٹ زنگ کو دور بھگانے میں مددگار ثابت ہوگا۔

یہ بھی پڑھیں: وہ غلطیاں جو 30 سال کی عمر کے بعد اکثر افراد کرتے ہیں

پیشاب کے داغ دور کریں

چھوٹے بچے اکثر گھر میں پیشاب کردیتے ہیں تو اسے دور کرنے کے لیے متاثرہ حصے پر کلب سوڈا انڈلیں اور پھر اسے خشک کریں، سوڈا نشانات کو ختم کردے گا جبکہ بو بھی کم کرنے میں مددگار ثابت ہوگا۔

شیشے کو جگمگائیں

جس طرح گندے ونڈ شیلڈ کے لیے یہ سوڈا فائدہ مند ہے اسی طرح یہ گھر میں لگے شیشوں کو بھی جگمگاتا ہے، ان پر موجود نشانات کو دور کرنے کے لیے سوڈے کو شیشے پر اسپرے کریں اور بس۔

گاڑیوں کے کشن

گاڑیوں کے کشن کی صفائی کے لیے بھی یہ بہترین ہے، ان پر لگے داغوں کو صاف کرنے کے لیے کلب سوڈا کو ان پر اسپرے کریں اور آدھے گھنٹے کے لیے چھوڑ دیں، جس کے بعد کسی صاف کپڑے سے انہیں خشک کردیں، آپ کو فرق خود نظر آجائے گا۔

ضرور پڑھیں

تبصرے (1) بند ہیں

bahir sayın Dec 15, 2018 03:16pm
Do not drink it more than 200 ml in a day. Otherwise you will be responsible for damage to your body.