پشاور: پاکستان کے صوبہ خیبر پختونخوا کے ضلع بونیر میں آج ہفتے کے روز ایک ریمورٹ کنٹرول بم حملے سے قومی وطن پارٹی کے مقامی رہنما عدالت خان ایڈوکیٹ سمیت تین افراد میں ہلاک ہوگئے۔

ابتدائی اطلاعات کے مطابق حملے میں عدالت خان کی گاڑی کو نشانہ بنایا گیا، جبکہ اس واقعہ میں تین افراد زخمی بھی ہوئے۔

پولیس کا کہنا ہے کہ عدالت خان ایڈوکیٹ اپنی گاڑی میں جا رہے تھے، راستے میں گوکن کے مقام پر ریمورٹ کنٹرول بم دھماکہ ہوا، جس کے نتیجے میں عدالت خان سمیت تین افراد جاں بحق ہو گئے۔

زخمیوں کو فوری طور پر قریبی اسپتال پہنچایا گیا۔

واقعہ کے بعد پولیس اور امدادی ٹیمیں موقع پر پہنچ گئیں اور علاقے کو گھیرے میں لے لیا۔