توہین رسالت کے جرم پر مسیحی جوڑے کو سزائے موت
ٹوبہ ٹیک سنگھ: جمعہ کے روز ایک مقامی عدالت نے ایک مسیحی جوڑے کو توہین رسالت پر سزائے موت اور دونوں پر ایک ایک لاکھ جرمانے کی سزا بھی سنائی۔
گوجرہ کے سینٹ کیتھیڈرل اسکول کے چوکیدار شفقت مسیح اور اس کی بیوی شگفتہ مسیح کو پچھلے سال پچیس جولائی کو سیکشن 295سی کے تحت گرفتار کیا گیا تھا۔
ان دونوں میاں بیوی کے خلاف ایک دکاندار ملک محمد حسین اور گوجرہ تحصیل بار ایسوسی ایشن کے سابق صدر انور منصور گورایہ نے رپورٹ درج کرائی تھی۔
انہوں نے دعویٰ کیا تھا کہ ان دونوں نے انہیں توہین رسالت پر مبنی موبائل ٹیکسٹ میسیجز بھیجے تھے۔
اس فیصلے کا اعلان ڈسٹرکٹ اینڈ سیشن جج امیر حبیب نے کیا۔
کیس کی سماعت ڈسٹرکٹ جیل میں ہوئی۔
دونوں نے ایسے میسیجز بھیجنے کا اعتراف کیا۔
لائیو ٹی وی