عمران خان کی سابق گورنر کو پی ٹی آئی میں شمولیت کی دعوت
اسلام آباد: پاکستان تحریک انصاف (پی ٹی آئی) کے سربراہ عمران خان نے پنجاب کے سابق گورنر چوہدری محمد سرور کو ایک ملاقات میں ان کی پارٹی میں شمولیت کی باقائدہ دعوت دیدی ہے۔
پنجاب کے سابق گورنر چوہدری محمد سرور نے آج پاکستان تحریک انصاف کے سربراہ عمران خان سے ان کی رہائش گاہ بنی گالہ میں ملاقات کی ہے۔
ڈان نیوز کے مطابق ذرائع کا کہنا ہے کہ ملاقات کے دوران عمران خان نے پنجاب کے سابق گورنر کو پی ٹی آئی میں شمولیت کیلئے دعوت دی۔
چوہدری سرور نے عمران خان سے ملاقات کے دوران پنجاب کے گورنر کا عہدہ چھوڑنے کے حوالے سے آگاہ کیا، اس موقع پر پاکستان تحریک انصاف کے جنرل سیکریڑی جہانگیر ترین بھی موجود تھے۔
مزید پڑھیں : گورنر پنجاب کا استعفیٰ منظور
واضح رہے کہ پاکستان کی وفاقی حکومت نے چودھری محمد سرور کے حکومت مخالف بیانات پر اظہار ناپسندیدگی کرتے ہوئے ان سے وضاحت طلب کی تھی۔
جس کے بعد چودھری سرور نے پنجاب کے گورنر کے عہدے سے استعفیٰ دیدیا تھا۔
چوہدری محمد سرور 2اگست 2013 کو گورنر پنجاب کے منصب پر فائز ہوئے تھے۔
مستعفی ہونے کے بعد ایک پریس کانفرنس میں چوہدری محمد سرور کا کہنا ہے کہ وہ بطور گورنر جس طرح عوام کی خدمت کرنا چاہتے تھے وہ نہیں کرسکے۔
انہوں نے کہا کہ وہ کافی پہلے ہی اس عہدے سے مستعفی ہونا چاہتا تھا مگر سابق وزیر قانون رانا ثناء اللہ کی درخواست پر انہوں نے استعفیٰ نہیں دیا تھا۔
سابق گونر پنجاب کا کہنا تھا کہ ملک میں عوام کی جان و مال محفوظ نہیں ہے اور نہ ہی اقلیتوں کو تحفظ حاصل ہے۔
لائیو ٹی وی
تبصرے (2) بند ہیں