ٹائیگر شروف کیلئے 50 سیکیورٹی گارڈز بھرتی
بولی وڈ اداکار جیکی شروف کے بیٹے ٹائیگر شروف نے گزشتہ برس فلم "ہیرو پنتی" سے اپنے فلمی کیریئر کا آغاز کیا۔
اور جب کہ ٹائیگر نے اپنی دوسری فلم کی شوٹنگ کا آغاز کردیا ہے تو فلمسازوں نے ان کی سیکیورٹی محض اس وجہ سے بڑھا دی ہے کہ کہیں فلم میں ٹائیگر کا خصوصی حلیہ "لیک" نہ ہوجائے۔
ہندوستان ٹائمز کی رپورٹ میں ٹائیگر شروف کے قریبی ذرائع کے حوالے سے بتایا گیا ہے کہ نئی فلم کی شوٹنگ کے دوران ٹائیگر شروف کے لیے 50 مزید سیکیورٹی گارڈز کو بھرتی گیا ہے تاکہ لوگوں کو فلم میں ان کے حلیے کے حوالے سے کچھ معلوم نہ ہوسکے۔
بتایا جاریا ہے کہ اس فلم میں ٹائیگر کا حلیہ پہلی فلم کے مقابلے میں بہت منفرد ہے، یہی وجہ ہے کہ اس سلسے میں اتنی رازداری برتی جارہی ہے۔
ذرائع کے مطابق ٹائیگر شروف کے حلیے کے علاوہ فلمساز مووی کے سیٹ کے حوالے سے بھی تفصیلات منظرعام پر لانے سے گریز کر رہے ہیں۔
جب اس حوالے سے پروڈیوسر ساجد ناڈیا والا سے رابطہ کیا گیا توانھوں نے اس خبر کی تصدیق کرتے ہوئے بتایا کہ ہم فلم کی تفصیلات منظرعام پر آنے سے بچنے کے لیے مزید حفاظتی تدابیر اختیار کر رہے ہیں اور اس کے لیے خصوصی ٹیم کو بھرتی کیا گیا ہے۔
لائیو ٹی وی