فیس بک کے لوگو میں معمولی تبدیلی
01 جولائ 2015
سماجی رابطے کی ویب سائٹ فیس بک نے 10 سال بعد اپنی سائٹ میں ایسی تبدیلی کی ہے جس کا صارفین نے نوٹس تک نہیں لیا۔
جی ہاں فیس بک نے اپنے لوگو میں تبدیلی کردی ہے ۔
فیس بک کے پراڈکٹ ڈیزائنر کرسٹوفر ٹیوزیٹ نے بدھ کو اپنے ایک ٹوئٹر پیغام میں اپنی سائٹ کا نیا لوگو متعارف کرایا۔
|
کیا کوئی فرق نظر آیا ؟ اب پرانے فیس بک لوگو کو دیکھیں اور کوشش کریں کہ اب کوئی تبدیلی تلاش کرنے میں کامیاب ہوپاتے ہیں یا نہیں۔
فوٹو بشکریہ وکی میڈیا کامنز |
نئے لوگو کی تحریر پرانے لوگو کے مقابلے میں زیادہ پتلی ہے جبکہ پرانے لوگو کے الفاظ زیادہ موٹے اور بلاک کی طرح کے ہیں۔
سب سے نمایاں فرق لفظ ' a ' میں دیکھا جاسکتا ہے۔
فیس بک کے ایگزیکٹو ڈائریکٹر جوش ہیگینز کے مطابق کمپنی فیس بک لوگو میں جدت لارہی ہے اور اسے صارفین کے لیے زیادہ دوستانہ اور قابل رسائی بنانا چاہتی ہے۔
تبصرے (6) بند ہیں