ڈرون حملے درندہ صفت دہشت گردوں اور شدت پسندوں کے خلاف ایک موثر ہتھیار ہے۔ پاک افغان سرحدی علاقے نازیان کو شدت پسندوں کالعدم تنظیموں کا گڑھ سمجھا جاتا ہے۔ تفصیلات کے مطابق، ڈرون حملے کا نشانہ صوبے نازیان میں داعش کے ٹھکانے پر تھا جسکے نتیجے میں دولت اسلامیہ (داعش) کے چار مشتبہ عسکریت پسند ہلاک جبکہ متعدد زخمی ہو گئے۔ واضح طور پر ڈرون حملوں نے دہشت گردوں کے کئی اعلیٰ سطح کے کمانڈر اور رہنماؤں کے ٹھکانوں کو نشانہ بنا کر انہیں ہلاک اور گرفتار کیا ہے۔ دہشت گرد کسی بھی رعایت کے مستحق نہیں ہمارا مقصود اسلام کے روشن چہرے پر لگے ہوئے دہشت گردی کے بدنما داغ کو دھونا، مسلمانوں کو قرآن و سنت کی اصل تعلیمات سے رُوشناس کرانا اور انسانیت کو دہشت گردی کی دہکتی آگ سے نجات دلانے کی کوشش کرنا ہے۔دہشتگرد وں کا مذہب نفرت اور تشدد ہے اور انکا اسلام سے کوئی تعلق نہیں ہے۔ انسانی جان کا تقدس و تحفظ شریعتِ اِسلامی میں بنیادی حیثیت کا حامل ہے۔ کسی بھی انسان کی ناحق جان لینا اور اُسے قتل کرنا فعل حرام ہے بلکہ بعض صورتوں میں یہ عمل موجبِ کفر بن جاتا ہے