گوگل پر پاس ورڈ کے بغیر لاگ ان ہونا ہوگا ممکن؟
کیا آپ کے لیے ای میل یا کسی بھی اکاﺅنٹ کے پاس ورڈ کو یاد رکھنا مشکل ہوتا ہے ؟ اگر ہاں تو آپ گوگل کا ایک نیا فیچر آپ کے لیے بہت بڑی خوشخبری ثابت ہوگا۔
گوگل ایک نئے فیچر کی ابتدائی آزمائش کررہا ہے جو لیپ ٹاپ کے پاس فون رکھنے سے ہی اکاﺅنٹ تک رسائی دینے میں مدد کرے گا۔
یہ فیچر دو نکاتی آتھنٹیکشن کی طرح کام کرے گا تاہم ابھی اس حوالے سے زیادہ یقین سے کچھ کہنا مشکل ہے۔
رپورٹس کے مطابق سب سے پہلے صارفین کو اپنے فون کو اس کا اختیار دینا ہوگا اور پھر اپنے کمپیوٹر پر گوگل اکاﺅنٹ پر لاگ ان ہونا ہوگا تاہم اس مرحلے پر پاس ورڈ پوچھنے کی بجائے گوگل کا سسٹم صارف کے فون پر ایک نوٹس ارسال کردے گا۔
اگر صارف اس نوٹس پر ہاں کردے گا تو وہ لاگ ان ہوجائے گا۔
مگر اس کا مطلب یہ نہیں کہ فون نہ ہونے پر اکاﺅنٹ کھولے نہیں جاسکیں گے بلکہ پاس ورڈ کو اس صورت میں استعمال کیا جاسکے گا جب فون خراب ہوجائے یا پاس نہ ہو۔
آسان الفاظ میں پاس ورڈ بیک اپ سسٹم کی شکل اختیار کرلیں گے۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی