ایپل کے نئے آپریٹنگ سسٹم 9.3 iOS کے بیٹا ورژن میں ’نائیٹ شفٹ‘ کا فیچر شامل ہے، جو رات کے وقت آپ کے آئی فون اور آئی پیڈ کی اسکرین لائیٹ خود بخود نیلی سے پیلی ہو جائے گی۔

ایپل کا کہنا ہے ’نائیٹ شفٹ‘ فیچر سورج غروب ہونے کا اندازہ آئی فون یا آئی پیڈ کی گھڑی اور جیو لوکیشن کی مدد سے لگائے گا۔

سورج غروب ہونے کے بعد یہ فیچر خود بخود ڈسپلے کے رنگوں کو سپیکٹرم کی وارمر سائیڈ پر منتقل کر دے گا تاکہ صارف کی آنکھیں تھکیں نہیں۔

سائنسی تحقیق کے مطابق ٹیکنالوجی کمپنیاں دن کے اوقات میں ڈیوائسز کی اسکرینز کی کارکردگی بڑھانے کی کوشش میں بڑی، روشن اور نیلی اسکرینز بنا رہی ہیں۔

تاہم، ان اسکرینز کی روشنی انسان کی نیند اور اس کی کارکردگی پر اثر انداز ہو رہی ہیں۔

اسکرینز کی نیلی روشنی ہر رات ہمیں سونے کا بتانے والے ایک ہارمون ’میلاٹونن’ کو دبائے رکھنے کا سبب ہے۔

دراصل، سوتے وقت ڈیوائسز استعمال کرنے سے انسان کی دن میں کارکردگی متاثر ہوتی ہے کیونکہ اس نیلی روشنی کی وجہ سے انسانی جسم کے قدرتی ردھم میں تبدیلیاں پیدا ہوتی ہیں۔

نئے iOS 9.3 کے بیٹا ورژن میں نوٹس کیلئے ٹچ آئی ڈی یا پاس وڈ، کار پلے اپ گریڈ وغیرہ کے نئے اپ ڈیٹس بھی شامل ہیں۔

بشکریہ ٹیلی گراف

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔