☰
ڈاکٹروں تک رسائی کے لیے مددگار پاکستانی ایپ
شہر ہو یا دیہات پاکستان میں رہنے والوں کو اس بات کا بخوبی اندازہ ہے کہ کبھی بیمار ہونے کی صورت میں ڈاکٹر کی تلاش اکثر کتنی مشکل ثابت ہوتی ہے مگر اب یہ مسئلہ ایک اسمارٹ فون ایپ کی مدد سے حل ہونے کی امید ہے۔
اینڈرائیڈ صارفین کے لیے حال ہی میں ایک نئی ایپ مائی طبیب متعارف کرائی گئی ہے جس کا مقصد مقامی افراد کو طبی امداد کے حصول میں آسانی فراہم کرنا ہے۔
یہ ایپ کسی مرض کی تشخیص سے متعلق نہیں بلکہ یہ کسی طبی ایمرجنسی کی صورت میں آپ کے قریب موجود ڈاکٹرز سے رابطے میں سہولت فراہم کرتی ہے۔
اس ایپ کو سیونتھ سینس نے تیار کیا ہے اور اس کا دعویٰ ہے کہ یہ پاکستان کی پریمیئر ہیلتھ ڈیٹا سروس ہے۔