☰
قلعہ کوٹ ڈجی: جو ناقابل تسخیر تھا
سندھ میں اب چند ہی ایسے کوٹ اور قلعے رہ گئے ہیں جنہیں دیکھ کر شاندار ماضی کو تو یاد کیا جاسکتا ہے مگر ان کا حال قابل رشک نہیں۔ ایسا لگتا کہ گزرتے ہوئے وقت کے گھوڑے کی ٹاپوں تلے اب وہ روندے جا رہے ہیں۔ ایسا ہی ایک تاریخی قلعہ کوٹ ڈجی کا ہے جو خیرپور میرس شہر سے جنوب کی جانب بیس سے پچیس کلومیٹر دور قومی شاہراہ پر ایک چھوٹی سی پہاڑی پہ واقع ہے۔
آپ جیسے ہی قلعے کے احاطے میں داخل ہوتے ہیں تو قد آدم دیواریں اور قلعے کے برج دکھائی دیتے ہیں۔ مگر آج وہاں نہ تو کوئی بادشاہ تخت نشیں ہے نہ کوئی رانی حرم میں ہے اور نہ ہی کوئی شاہی ملازم جو بادشاہ کے ایک اشارے کے منتظر رہتے تھے۔