الیکشن میں حصہ لینا نہیں چاہتا، صرف انتخابی مہم چلانا چاہتا ہوں، فاروق ستار
کراچی: متحدہ قومی موومنٹ (ایم کیو ایم) پاکستان پی آئی بی گروپ کے سربراہ ڈاکٹر فاروق ستار نے الیکشن 2018 کے لیے بہادرآباد گروپ کے ساتھ اتنخابی مہم چلانے کا اعلان کردیا۔
صوبائی دارالحکومت میں میڈیا سے بات چیت کرتے ہوئے پی آئی بی گروپ کے ڈاکٹر فاروق ستار کا کہنا تھا کہ ’آئندہ انتخابات ہماری آزمائش ہے، انتخابی مہم میں رکاوٹیں بھی آئیں گی اور سازشیں بھی ہوں گی۔
ڈاکٹر فاروق ستار کا کہنا تھا کہ بہادر آباد میں میرے ساتھیوں نے پرتپاک استقبال کیا، میں آج بھی اپنے تمام ساتھیوں کے ساتھ ہوں۔
ان کا یہ بھی کہنا تھا کہ کارکن بھی یہی چاہتے ہیں کہ ہم یکجا ہوجائیں اور اس کے لیے دونوں طرف کے کارکنان کو بڑے دل کا بھی مظاہرہ کرنا ہوگا۔
ایم کیو ایم پاکستان کے سابق کنوینر نے کہا کہ ’میں نے خالد مقبول صدیقی سے کہا تھا کہ میں یہ الیکشن نہیں لڑنا چاہتا، لیکن صرف انتخابی مہم چلانا چاہتا ہوں‘۔
خبر کی تفصیل پڑھیں: