لندن: مسلم لیگ (ن) کی رہنما اور وزیراعظم نواز شریف کی صاحبزادی مریم نواز نے کہا ہے کہ نواز شریف کے ساتھ ناانصافی نے عوام کو جگادیا ہے،اب لوگوں کوسڑکوں پرنکلنے کی کال دینے کی ضرورت نہیں،عوام خود نواز شریف کے لیے انتخابی مہم چلائیں گے۔

لندن میں میڈیا سے گفتگو کرتے ہوئے انہوں نے کہا کہ میرا بینظیر بھٹو کے ساتھ موازنہ نہ کیا جائے، بینظیر بھٹو کی جدوجہد کی قدر کرتی ہوں۔

مریم نواز کا کہنا تھا کہ عمران خان ہوں یا ان کے ماسٹرز ان سب کے ہاتھوں سے گیم نکل گئی ہے، عمران خان نے اپنا آخری تیر چلالیا ہے، اب فیصلہ عوام کے ہاتھ میں ہے۔

کیپٹن (ر) صفدر کی گرفتاری سے متعلق مریم نواز نے کہا کہ خوشی ہے کہ کیپٹن (ر) صفدر نے ایک شیر کی طرح گرفتاری دی، ہم کسی بھی قسم کی قربانی دینے سے دریغ نہیں کریں گے۔