نواز شریف، مریم نواز پاکستان واپسی کیلئے روانہ
سابق وزیر اعظم نواز شریف اور ان کی بیٹی مریم نواز پاکستان واپسی کے لیے ایون فلیڈ اپارٹمنٹس سے لندن کے ہیتھرو ایئرپورٹ روانہ ہوگئے۔
نواز شریف کو الوداع کرنے کے لیے لیگی کارکنان ہیتھرو ایئر پورٹ پر موجود تھے۔
مریم نواز نے ٹویٹر پر اپنے بچوں سے الوداعی ملاقات کی تصویر شیئر کی اور کہا کہ ’بچوں سے کہا ہے کہ ظلم و ستم کا بہادری سے سامنا کرنا ہے، لیکن بچے آخر بچے ہوتے ہیں جبکہ الوداع کہنا مشکل ہوتا ہے۔‘
Told my kids to be brave in the face of oppression. But kids will still be kids. Goodbyes are hard, even for the grownups. pic.twitter.com/ge17Al5gfY
— Maryam Nawaz Sharif (@MaryamNSharif) July 12, 2018
نواز شریف اور مریم نواز کی پاکستان واپسی جمعہ کی شام کو متوقع ہے اور وہ لاہور کے علامہ اقبال انٹرنیشنل ایئرپورٹ پر اتریں گے۔
دوسری جانب ذرائع کے مطابق نیب نے دونوں کو ایئرپورٹ پر ہی گرفتار کرنے کے انتظامات مکمل کر لیے ہیں۔
واضح رہے کہ احتساب عدالت نے ایون فیلڈ ریفرنس کے فیصلے میں نواز شریف کو مجموعی طور پر 11 سال اور مریم نواز کو 8 سال قید بامشقت کی سزا سنائی تھی، جبکہ دونوں پر بھاری جرمانہ بھی عائد کیا گیا تھا۔