Live Election 2018
لاہور میں انتخابی مہم سے شہر کا حسن ماند پڑ گیا
انتخابی ضابطہ اخلاق کی خلاف ورزی پر ضلعی انتظامیہ بھی مکمل طور پر خاموش دکھائی دیتی ہے.
عام انتخابات کے حوالے سے الیکشن کمیشن آف پاکستان (ای سی پی) کے سخت ضابطہ اخلاق کے باوجود لاہور میں جگہ جگہ انتخابی امیدواروں کے پوسٹرز اور پینا فلیکسز سے شہر کی خوبصورتی ماند پڑ گئی۔
ضابطہ اخلاق کی خلاف ورزی پر ضلعی انتظامیہ بھی مکمل طور پر خاموش دکھائی دیتی ہے، جبکہ جگہ جگہ اشتہاری مہم سے عام شہری خاصے پریشان ہیں۔
شہریوں کا کہنا ہے کہ سیاسی جماعتوں کی طرف سے لگائے گے پوسٹرز نے شہر کی اصل خوبصورتی چھین لی ہے۔