Live Election 2018
گجرانوالہ میں پی ٹی آئی اور لیگی کارکنوں کے درمیان ہاتھا پائی
فریقین نے ایک دوسرے کے خلاف نعرے لگائے، جبکہ پولیس کے پہنچتے ہی دونوں جماعتوں کے کارکن منتشر ہوگئے۔
صوبہ پنجاب کے شہر گجرانوالہ میں انتخابی مہم کے دوران پاکستان تحریک انصاف (پی ٹی آئی) اور مسلم لیگ (ن) کے کارکنان آمنے سامنے آگئے، جبکہ اس دوران دونوں میں ہاتھا پائی بھی ہوئی۔
واقعہ گجرانوالہ کے علاقے شاہین آباد میں اس وقت پیش آیا جب انتخابی مہم کے دوران دونوں جماعتوں کے کارکنان ایک دوسرے کے خلاف نعرے بازی کرنے لگے جس پر صورتحال ہاتھا پائی تک جاپہنچی۔
تاہم، پولیس کے پہنچتے ہی کارکنان منتشر ہوگئے۔