Live Election 2018
پولنگ کا وقت ختم، ووٹوں کی گنتی شروع
ووٹوں کی گنتی مکمل ہونے کے بعد افسران ووٹوں کے باکس کو ای سی پی کی جانب سے فراہم کردہ سیل بیگ میں منتقل کریں گے.
عام انتخابات کے لیے پولنگ کا مقررہ وقت ختم ہوچکا ہے، جبکہ اب ووٹوں کی گنتی کا سلسلہ جاری ہے۔
واضح رہے کہ الیکشن کمیشن آف پاکستان (ای سی پی) نے میڈیا کو ہدایت کی تھی کہ شام 7 بجے تک انتخابات کے نتائج نشر نہ کیے جائیں۔
پولنگ بوتھ کے اندر موجود پریزائڈنگ افسران اور اسسٹنٹ پریزائڈنگ افسران کی جانب سے ووٹوں کی گتنی کا عمل جاری ہے جس کے بعد افسران ووٹوں کے باکس کو ای سی پی کی جانب سے فراہم کردہ سیل بیگ میں منتقل کردیں گے۔
قومی اسمبلی کے لیے سبز، صوبائی اسمبلی کے لیے سفید اور غیر تصدیق شدہ ووٹوں کے لیے نیلے تھیلے ریٹرننگ افسران کو فراہم کیے گئے تھے۔