کہتے ہیں ضرورت ایجاد کی ماں ہے اور اسی بات کو سامنے رکھتے ہوئے لاہور کے باصلاحیت فراد نے ایسا چولہا متعارف کروادیا جس سے اب گیس کی ضرورت نہیں ہوگی۔

بائیو ایندھن سے چلنے والے گیسیفائر چولہے کو پتوں و لکڑی اور خشک گوبر سے تیار کیے جانے والے ایندھن سے چلایا جاسکتا ہے۔

اس چولہے کو ایک کلو ایندھن سے گھنٹے بھر سے زائد مسلسل چلایا جاسکتا ہے، جبکہ آگ جلانے اور اس کی حدت بڑھانے کیلئے چولہے کے ساتھ ایک پنکھا بھی لگا ہے۔

چولہے میں نصب پنکھے کو چلانے کیلئے پاور بنگ بھی منسلک کیا جاسکتا ہے۔

دیگیں اور دیگر پکوان بنانے والوں کیلئے بڑے سائز کے کمرشل چولہے بھی دستیاب ہیں

مقامی سطح پر تیار گھریلو چھوٹے چولہے کی قیمت 7 سے 8 ہزار روپے ہے۔