Live Covid 2019
15 رمضان المبارک تک حج ہونے یا نہ ہونے کا فیصلہ ہو جائے گا، وزیر مذہبی امور
سعودی وزارت حج سے مسلسل رابطے میں ہیں اور انہوں نے فی الوقت کسی بھی معاہدہ کرنے سے روک رکھا ہے، نور الحق قادری
وفاقی وزیر برائے مذہبی امور نورالحق قادری نے کہا ہے کہ سعودی حکام کی جانب سے حج ہونے یا نہ ہونے کا فیصلہ 15 رمضان المبارک تک ہوجائے گا۔
انہوں نے صحافیوں کو بتایا کہ سعودی حکومت کورونا وائرس کے پھیلاو کو مکمل طور پر دیکھ رہی ہے اور ان کے پاس حج ادائیگی سے متعلق مختلف اپشنز زیر غور ہیں
نور الحق قادری نے مزید کہا کہ سعودی وزارت حج سے مسلسل رابطے میں ہیں اور انہوں نے فی الوقت کسی بھی معاہدہ کرنے سے روک رکھا ہے۔
وزیر مذہبی امور نے کہا کہ تاریخ میں 40 مرتبہ سے زائد حج مکمل یا جزوی طور پر نہیں ہوا،میں سمجھتا ہوں کہ حالات بہتر ہوجائیں تو حج ہوگا۔