متحدہ عرب امارات سے خصوصی پروازوں کے کرایوں میں کمی
وزیراعظم کے معان خصوصی زلفی بخاری نے کہا ہے کہ پی آئی اے نے کورونا وائرس کے باعث متحدہ عرب امارات میں پھنسے ہوئے پاکستانیون کو واپس لانے کے لیے خصوصی پروازوں کے کرایے میں 20 فیصد سے 30 فیصد کمی کردی ہے۔
متحدہ عرب امارات میں پھنسے ہوئے پاکستانیوں کے حوالے سے ایک اجلاس میں انہوں نے کہا کہ 'پی آئی اے کے نئے کرایوں کے مطابق متحدہ عرب امارات سے لاہور، اسلام آباد اور پشاور کے لیے ایک ہزار 110درہم جبکہ ملتان اور کراچی کے لیے بالترتیب 957 درہم اور 810 درہم کرایہ ہوگا'۔
انہوں نے کہا کہ کرایوں میں کمی کا اطلاق 25 اپریل سے ہوگا۔
دبئی میں تعینات پاکستان کے قونصل جنرل احمد امجد علی کا کہنا تھا کہ معاون خصوصی نے جو کرایہ بتایا ہے اس میں ٹیکس شامل نہیں کیا گیا تھا۔
ان کا کہنا تھا کہ 'مختلف ایئرپورٹس پر 125 درہم سے 250 درہم تک ٹیکس ہے تاہم اس کو موجودہ کرایوں میں شامل کرلیا گیا ہے'۔
خبر کی تفصیل یہاں پرھیں۔