ڈسکہ کی مقامی انتظامیہ نے ماسک نہ پہننے والے افراد کو سزا دینے کے لیے سول ریسٹ ہاؤس کے ٹینس گراؤنڈ میں منفرد ٹینٹ سب جیل قائم کردی۔

ڈان اخبار کی رپورٹ کے مطابق ڈسکہ کے اسسٹنٹ کمشنر آصف حسین مہدی نے بتایا کہ خلاف ورزی کرنے والے ہر شخص کو پی پی سی کے سیکشن 188 کے تحت سزا کے طور پر 24 گھنٹے کے لیے اس جیل میں لایا جائے گا۔

انہوں نے کہا کہ مقامی پولیس اسٹیشن کا لاک اپ بہت تنگ اور چھوٹا ہے اس لیے یہاں عارضی انتظامات کیے گئے ہیں۔