کراچی : پاکستانی روپے کے مقابلے میں امریکی ڈالر سمیت یورپین ممالک کی اہم کرنسیوں بشمول یورو اور برطانوی پاؤنڈ کی قدروں میں تیزی کا رجحان رہا۔
اوپن کرنسی مارکیٹ میں پیر کو امریکی ڈالر، یورو اور برطانوی پاؤنڈ کی قدروں میں بالترتیب 25 پیسے، 10 پیسے اور 30 پیسے کا اضافہ ریکارڈ کیا گیا۔ فاریکس ایسوسی ایشن آف پاکستان سے جاری کردہ اعداد و شمار کے مطابق امریکی ڈالر گذشتہ کاروباری روز کی قیمت خرید 98.90 روپے سے بڑھ کر 99.15 روپے اور قیمت فروخت 99.10 روپے سے بڑھ کر 99.35 روپے ہوگئی۔
یورو کی قیمت خرید 131.20 روپے سے بڑھ کر 131.30 روپے اور قیمت فروخت 132.20 روپے سے بڑھ کر 132.30 روپے پر بند ہوئی۔ اعداد و شمار کے مطابق برطانوی پاؤنڈ کی قیمت خرید بھی 157.20 روپے سے بڑھ کر 157.50 روپے اور قیمت فروخت 158.20 روپے سے بڑھ کر 158.50 روپے ہوگئی۔
دوسری جانب پاکستانی روپے کے مقابلے میں خلیجی ممالک کی اہم کرنسی سعودی ریال کی قدر میں تیزی کا رجحان رہا تاہم اماراتی درہم کی قدر مستحکم رہی۔ اوپن کرنسی مارکیٹ میں پیر کو سعودی ریال کی قدر میں 5 پیسے کا اضافہ ہوگیا تاہم اماراتی درہم گذشتہ کاروباری روز کی قدر پر مستحکم رہا۔
