ترکی میں سجا ہے ایک ریسلنگ ایونٹ مگر یہ توقع نہ کریں کہ وہاں دی راک یا انڈر ٹیکر جیسے ریسلرز رنگ کے اندر ایک دوسرے سے ٹکراتے نظر آئیں گے۔

درحقیقت یہ تو سینکڑوں اونٹوں کی وہ کشتی ہے جس کو دیکھنے والوں کا جوش و جذبہ حیران کن ہوتا ہے۔

یہ مغربی ترکی کے ساحلی شہر ازمیر کے قریب ایک قصبے میں سجنے والا سالانہ میلہ ہے جس میں اونٹوں کے درمیان ریسلنگ کے مقابلے ہوتے ہیں۔

کہا جاتا ہے کہ یہ مقابلے 2400 سال سے منعقد ہو رہے ہیں اور ہر سال انہیں دیکھنے کے لیے یہاں سیاحوں کی بڑی تعداد آتی ہے۔

ان مقابلوں پر جانوروں کے حقوق کے لیے کام کرنے والے گروپس کی جانب سے تنقید تو سامنے آتی ہیں مگر ایونٹ انتظامیہ کا کہنا ہے کہ وہ ان تحفظات کو مدنظر رکھتے ہوئے اونٹوں کے تحفظ کو بہتر بنا رہے ہیں۔