پشاور میں بڈھنی نالے میں آنے والی طغیانی نے آس پاس کے علاقوں میں تباہی مچادی ہیں۔

سیلابی ریلے نے کئی خاندانوں کو بے گھر کردیا ہے۔ سیلاب سے متاثرہ خاندانوں کا کہنا ہے کہ تاحال ان کی حالت زار معلوم کرنے کے لئے کوئی حکومتی نمائندہ نہیں ایا، متاثرہ خاندانوں کو نہ ہی کوئی مالی امداد ملی اور نہ ہی کھانے پینے کا سامان میسر ہے۔

ان کا کہنا تھا کہ سیلاب زدگان کی بحالی حکومت کی اولین ذمہ داری ہے تاہم پشاور میں متعدد سیلاب زدگان تاحال حکومتی امداد کے منتظر ہیں۔