سام سنگ کا حیرت انگیز ماڈیولر ٹی وی
اگر آپ نے آرنلڈ شوازینگر کی فلم ٹوٹل ری کال دیکھی ہو تو ایک سین میں وہ ایک ریموٹ کنٹرول کا بٹن دباتے ہیں تو ان کے سامنے موجود دیوار ٹیلیویژن کی شکل میں بدل جاتی ہے اور اب 26 سال بعد سام سنگ نے بالکل ایسی ہی ڈیوائس کو متعارف کرایا ہے۔
لاس ویگاس میں جاری سی ای ایس ٹیکنالوجی نمائش کے دوران سام سنگ نے اپنے ماڈیولر ٹی وی کی جھلک پیش کی ہے۔
سام سنگ بوتھ پر 50 انچ اسکرین کو لگایا گیا ہے جو پہلے دو، پھر 4 اور 8 مختلف ڈسپلے میں تقسیم ہوجاتی ہے۔
دیوار میں لگی موٹرز کے ذریعے ان تمام 8 ڈسپلے کو حرکت دی جاتی ہے اور وہ دائیں بائیں اوپر نیچے ہونے لگتے ہیں اور درمیان میں ایک بڑے خانے میں آپس میں مل جاتے ہیں۔
ابھی یہ ٹیکنالوجی ابتدائی مراحل میں ہے اور اس وجہ سے کافی خامیاں بھی موجود ہیں تاہم سام سنگ مستقبل میں اسے بہتر بناکر پیش کرنے کی خواہشمند ہے۔
اس سے کچھ دور ہی سام سنگ نے 170 انچ کے ٹی وی پر ماڈیولر کانسیپٹ کو انسٹال کیا ہے جو مختلف حصوں میں تقسیم نہیں ہوتا مگر اس سے عندیہ ملتا ہے کہ سام سنگ ایسا بڑا ٹی وی تیار کرنا چاہتی ہے جس کے متعدد چھوٹے پینلز ہو۔
یعنی ایسا ٹی وی جو چھوٹی چھوٹی اسکرینز میں بدل جائے اور لوگ اپنی پسند کی اسکرین کو خرید لیں۔
سام سنگ کا یہ منصوبہ ابھی ابتدائی مراحل میں ہے اور اسے جلد پیش کیے جانے کا کوئی ارادہ نہیں۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی