صرف ایک مسافر کیلئے ریل سروس؟

اپ ڈیٹ 10 جنوری 2016
Photo courtesy — CCTV NEWS/Facebook
Photo courtesy — CCTV NEWS/Facebook
Photo courtesy — CCTV NEWS/Facebook
Photo courtesy — CCTV NEWS/Facebook
Photo courtesy — CCTV NEWS/Facebook
Photo courtesy — CCTV NEWS/Facebook

ہوکائیدو جاپان کے شمال میں واقع ایک جزیرہ ہے جہاں پر قائم کامی شراتاکی نامی ریلوے اسٹیشن پر گزشتہ تین برس سے روزانہ صرف ایک مسافر کے لیے دو ٹرینیں رکتی ہیں۔

یہ دعویٰ چین کے معتبر خبر رساں ادارے سی سی ٹی وی نیوز کی ایک فیس بک پوسٹ میں کیا گیا ہے.

فیس بک پوسٹ میں کہا گیا ہے کہ جاپان ریلویز نے آج سے تین برس قبل اس اسٹیشن کو دور دراز ہونے اور مال بردار ٹرینوں کے بند ہونے کی وجہ بند کرنے کا فیصلہ کیا لیکن انتظامیہ نے اپنا فیصلہ اس وقت تبدیل کر دیا جب انہیں معلوم ہوا کہ اسٹیشن پر رکنے والی ریل ایک لڑکی کے کالج جانے کا واحد ذریعہ ہے۔

تائیوان ایپل ڈیلی نے بھی اس خبر کی تصدیق کرتے ہوئے کہا ہے کہ مذکورہ طالبہ روزانہ اس ریل کے ذریعے کالج جاتی ہے تاہم وہ شراتاکی سے نہیں بلکہ کیو-شراتاکی ریلوے اسٹیشن سے صبح سوا سات بجے ریل میں سوار ہوتی ہے اور اس کے ساتھ 10 دیگر ہم کلاس بھی ہوتے ہیں۔

تاہم واپسی پر انہیں تین ٹرینیں دستیاب ہوتی ہیں جن میں سے آخری شام سات بج کر 25 منٹ پر نکلتی ہے۔

جب کہ سی سی ٹی وی نیوز کے مطابق اس وقت جاپان کا یہ ریلوے اسٹیشن صرف ایک مسافر کے لیے پوری طرح سے کام کر رہا ہے اور یہاں روزانہ دو ٹرینیں رکتی ہیں جن کا شیڈول بھی لڑکی کے کالج جانے اور واپس آنے کے وقت کو دیکھ کر مرتب کیا گیا ہے۔ مذکورہ طالبہ رواں سال 26 مارچ کو اپنے کالج کی تعلیم مکمل کرلے گی اور جاپان ریلویز کے مطابق یہ اسٹیشن اس وقت ایسے ہی کام کرتا رہے گا ۔

تبصرے (5) بند ہیں

anees Jan 10, 2016 02:16pm
very impressive
Rafiud Din Khalid Jan 10, 2016 03:54pm
Impressive indeed
Faisal Hussain Jan 10, 2016 05:51pm
Marvelous example of importance of educated society.
Javed iqbal butt Jan 10, 2016 06:23pm
that is great Honer for that girl and especially i salute to japan railway and and japan govt who take care of his public like a family Member regard javed iqbal butt Medina Munawra SAUDI ARABIA
AHMED ZARAR Jan 10, 2016 07:51pm
Zinda Qaumain apna nishan dati rahti han.