چین میں سوشل میڈیا پر ایک ننھے بچے کو ہیرو قرار دے دیا گیا ہے جو اپنی دادی کو بچانے کے لیے شہری انتظامیہ کے خلاف اٹھ کھڑا ہوا۔

جی ہاں ایک ویڈیو میں دکھایا گیا ہے کہ شہری انتظامیہ کی جانب سے غیرقانونی ریڑھی والوں کے خلاف کریک ڈاﺅن کیا گیا۔

اس کریک ڈاﺅن کے دوران اپنی دادی کے دفاع کے لیے یہ ننھا ہیرو سرکاری افسران کے سامنے ڈٹ کر کھڑا ہوگیا۔

اس بچے نے ویڈیو میں ایک لمبا اسٹیل پائپ کو ہتھیار کے طور پر اٹھا رکھا ہے اور وہ زور زور سے چیخ رہا ہے " میری دادی کو چھونا مت"۔

اس بچے کے انداز کو دیکھ کر وہاں موجود افراد ہنسنے پر مجبور ہوگئے اور جب ایک سرکاری افسر نے اسے ایک جانب بٹھانے کی کوشش کی تو وہ اس پر ہی ٹوٹ پڑا۔

تاہم ویڈیو سے یہ واضح نہیں ہوتا کہ بچے کی دادی کے خلاف انتظامیہ کی جانب سے ایسا کیا اقدام کیا گیا جس کی وجہ سے وہ اتنے غصے میں آگیا۔

اس بچے کی ویڈیو کو اب تک لاکھوں افراد چین کی مقبول ترین سماجی رابطے کے پلیٹ فارم ویبو پر دیکھا جاچکا ہے اور اس بچے کو سراہا گیا ہے۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔