دنیا کے مختلف ممالک میں آج سے رمضان کریم کا آغاز ہوگیا ہے، یہ وہ مہینہ ہے جب ہر مسلمان رب کائنات کی برکتیں اور رحمتیں سمیٹنے کے لیے ایک دوسرے پر سبقت لے جانے کی کوشش کرتا ہے۔

سعودی عرب، متحدہ عرب امارات، مصر، فلسطین، یمن سمیت مختلف ممالک میں رمضان کا پیر سے آغاز ہوا جبکہ پاکستان میں پہلا روزہ منگل کو ہوگا۔

روزہ، نماز، قرآن اور دیگر چھوٹی چھوٹی نیکیوں سے سجا یہ ماہ مقدس اللہ رب العزت کی جانب سے یقیناً ایک خوبصورت تحفہ ہے، لیکن بہت سے لوگ ایسے بھی ہیں جو اپنے گھربار سے دور کسی پناہ گزین کیمپ میں اس مہینے کا استقبال کر رہے ہیں یا پھر کسی جنگ زدہ ملک میں اس ماہِ پر نور کی رحمتوں کو حاصل کرنے کی کوشش کر رہے ہیں۔

ایک اندازے کے مطابق پوری دنیا میں تقریباً ڈیڑھ ارب مسلمان رمضان المبارک کے بابرکت مہینے کی سعادت حاصل کریں گے۔

یہاں دنیا کے مختلف ممالک میں رمضان پر نور کے آغاز کے حوالے سے کچھ تصاویر دی جارہی ہیں۔