اگر کسی اسٹار کی سالگرہ ہو تو رات کے 12 بجتے ہی کچھ نہ کچھ دھوم دھڑکا تو ہوتا ہی ہے۔

اور ایسا ہی ماورا حسین کے ساتھ بھی ہوا جو 28 ستمبر کو 24 سال کی ہوگئیں ہیں اور بارہ بجتے ہی غبارے، کیک اور تحائف وغیرہ انہیں ملنا شروع ہوگئے۔

جس کی تصویر انہوں نے اپنے انسٹاگرام اکاﺅنٹ پر بھی شیئر کی۔

مگر سالگرہ کی تقریب بھی ماورا کو اپنے پسندیدہ اسٹار پر توجہ مرکوز کرنے سے روک نہیں سکی۔

جب ڈان امیجز کے انسٹاگرام اکاﺅنٹ پر گزشتہ شب رنبیر کپور کی سالگرہ کے حوالے سے ایک تصویر پوسٹ کی گئی تو ماورا نے فوری طور پر بتایا کہ بولی وڈ اسٹار کی عمر غلط بتائی گئی ہے۔

تو اس سے معلوم ہوتا ہے کہ ماورا رنبیر کپور کو گوگل سے بھی بہتر جانتی ہیں اور یہ تو ایک سچے پرستار کی ہی نشانی ہے۔