پاکستان نے ورلڈ کپ کے اہم میچ میں جنوبی افریقہ کو 49رنز سے شکست دے کر عالمی کپ سے باہر کردیا۔

لارڈز کے تاریخی میدان میں کھیلے گئے میچ میں پاکستان نے ٹاس جیت کر پہلے بیٹنگ کرتے ہوئے حارث سہیل کی 89رنز کی جارحانہ اننگز کی بدولت 7وکٹوں کے نقصان پر 308رنز بنائے، بابر اعظم نے 69 جبکہ اوپنرز امام الحق اور فخر زمان نے 44، 44 رنز کی اننگز کھیلیں۔

ہدف کے تعاقب میں جنوبی افریقی کی ٹیم وقفے وقفے سے وکٹیں گنواتی رہی اور مقررہ اوورز میں 9 وکٹوں کے نقصان پر 259رنز ہی بنا سکی۔

اس میچ میں شکست کے ساتھ ہی جنوبی افریقہ کی ٹیم ورلڈ کپ 2019 میں سیمی فائنل کی دوڑ سے باہر ہو گئی ہے۔