امریکی فوجی کے بدلے طالبان قیدیوں کی رہائی 'بڑی کامیابی'، ملا عمر
طالبان کے سپریم لیڈر ملاعمر نے امریکی فوجی کے بدلے گوانتا ناموبے جیل سے پانچ طالبان قیدیوں کی رہائی کو ایک 'بڑی کامیابی' قرار دیا ہے۔
گزشتہ روز افغان طالبان نے مہینوں سے جاری بات چیت کے بعد پانچ سال سے قید میں موجود امریکی فوجی سرجنٹ بو برگ داہل کو رہا کردیا تھا۔
برگ داہل کی رہائی امریکا اور طالبان کے ثالث کا کردار ادا کرنے والے قطر کے ذریعے ممکن ہوئی ہے۔
برگ داہل کی رہائی کے بعدامریکا کی جانب سے گوانتانامو بے میں قید پانچ طالبان قیدیوں محمد فضل، ملا نوراللہ نوری، محمد نبی، خیراللہ خیرخوا اور عبدالحق واسق کو رہا گیا گیا ہے۔
مزیدپڑھیں: پانچ طالبان قیدیوں کے بدلے امریکی فوجی کی رہائی
اتوار کو جاری ایک بیان میں ملا عمر کا کہنا تھا کہ وہ طالبان رہنماؤں کی گوانتا نامو بے جیل سے رہائی کی اس بڑی کامیابی پر پوری افغان قوم، مجاہدین ، قیدیوں کے اہلخانہ اور رشتہ داروں کو مبارک باد دیتے ہیں۔
غیرملکی خبر رساں ادارے اے ایف پی کے مطابق ملا عمر نے اپنے بیان میں قطر حکومت بالخصوص اس کے امیر شیخ تمیم بن حماد الثانی کا بھی خصوصی شکریہ ادا کیا اور کہا کہ انہوں نے ان رہنماؤں کی رہائی کے لیے مخلصانہ کوششیں کیں۔
ملاعمر جنہیں افغانستان اور پاکستان میں موجود طالبان ملا عمر کو اپنا امیر سمجھتے ہیں کے بارے میں کہا جاتا ہے کہ وہ پاکستان ہیں ہیں۔