خیبر ایجنسی: بم دھماکے میں اہم طالبان کمانڈر ہلاک
ذرائع کے مطابق بم دھماکے کا ہدف مذکورہ کمانڈر ہی تھا، تاہم کسی گروہ کی جانب سے اس واقعے کی ذمہ داری قبول نہیں کی گئی۔
پشاور: صوبہ خیبر پختونخوا کی وادیٔ تیراہ کے علاقے مہربان کِلے میں ہونے والے ریموٹ کنٹرول بم دھماکے کے نتیجے میں کالعدم تحریک طالبان کا ایک اہم کمانڈر ہلاک جبکہ دو افراد زخمی ہوگئے۔
نمائندہ ڈان ڈاٹ کام ظاہر شاہ نے ذرائع کے حوالے سے بتایا ہے کہ بم دھماکا مہربان کلے کے علاقے میں کالعدم تحریک طالبان کے اہم کمانڈر کے سامنے ہوا، جس کے نتیجے میں وہ ہلاک ہو گیا۔
ذرائع کے مطابق بم دھماکے کا ہدف مذکورہ کمانڈر ہی تھا، جبکہ اس واقعے میں دو افراد زخمی بھی ہوئے ہیں۔
تاہم اب تک کسی گروہ کی جانب سے اس واقعے کی ذمہ داری قبول نہیں کی گئی ہے۔