☰
استاد جی: سڑک پر پڑھاتے ایک بے غرض معلم
کچھ لوگ پیدا ہی بے غرض ہوتے ہیں، جنہیں اپنی پرواہ یا بالکل نہیں ہوتی۔ میں اکثر اس بارے میں سوچتی ہوں کہ ایسے جینا کیسا ہوتا ہوگا جس میں آپ صرف دوسروں کی خدمت کریں، جس میں صرف دینا ہو اور لینا نہیں، اور میں جانتی ہوں کہ مکمل طور پر دوسروں کے فائدے کے لیے کام کرنا کتنا مشکل ہے۔ کسی بھی دنیاوی فائدے کے بغیر صرف اچھا کرتے رہنا، اور کبھی نہ رکنا۔
گلستانِ جوہر میں ایک پرانے درخت کے نیچے 66 سالہ محمد شوکت نیاز صدیقی فٹ پاتھ پر بیٹھ کر 6 سے 10 سال کی عمر کے بچوں کو اپنے گرد جمع کر کے انہیں مفت میں پڑھاتے ہیں۔
انہیں ان کے شاگرد استاد جی کہتے ہیں۔ اس ضعیف شخص نے گذشتہ 6 سالوں سے اپنی زندگی مکمل طور پر غریب بچوں کے لیے وقف کر دی ہے۔