وہ دن گئے جب پاکستانی افراد آئی پی ایل (انڈین پیمئیر لیگ) شوق سے دیکھا کرتے تھے، اب اس کی جگہ ہماری اپنی پی ایس ایل (پاکستان سپر لیگ) نے لے لی ہے۔

پی ایس ایل کی افتتاحی تقریب دبئی کے انٹرنیشنل کرکٹ اسٹیڈیم میں منعقد ہوئی تو اس میں پاکستانی شوبز سے تعلق رکھنے والے کئی بڑے ناموں نے شرکت کی۔

دنیا بھر میں کرکٹ کی دنیا سے تعلق رکھنے والے افراد کے ساتھ ساتھ میدان میں پاکستانی شوبز شخصیات نے بھی اپنی اپنی ٹیموں کو سپورٹ کیا۔

مزید پڑھیں: پی ایس ایل کا افتتاحی میچ کوئٹہ گلیڈی ایٹرز کے نام

تقریب کے بعد اسلام آباد یونائیٹڈ اور کوئٹہ گلیڈی ایٹرز ٹیم کے درمیان میچ کا آغاز تو ہوا تاہم سب کی نظریں میدان میں بیٹھے پرستاروں پر جمی رہیں۔

اس دوران اداکار فواد خان اپنی فیملی کے ساتھ میدان میں موجود تھے۔

حمیمہ ملک بھی اس شاندار جوڑے کے ساتھ تصویر لیتے نظر آئیں۔

فواد نے حمزہ علی عباسی کے ساتھ تصویر بنوائی۔

حمزہ کے بعد فواد علی ظفر کے ساتھ نہایت جوش میں سیلفی لیتے نظر آئے۔

ایسا محسوس ہوتا ہے کہ عائشہ عمر اب اپنے روڈ حادثے کے بعد پہلے سے کافی بہتر ہوچکی ہیں۔

عدنان صدیقی، سوہائے علی ابڑو، احسن خان اور فیصل قریشی ٹیم کراچی کو سپورٹ کرتے نظر آئے۔

اس دوران عائشہ نے میدان میں ہونے والی پرفارمنس کی ویڈیو انسٹاگرام پر شئیر کی۔

اس گلوکار نے اس دوران اپنی شاندار پرفارمنس سے لوگوں کے دل جیتے۔

موہب مرزا بھی اس تقریب میں اہنی اہلیہ آمینہ شیخ کے ہمراہ نظر آئے، انہوں نے اہنی آنے والی فلم ’بچانا‘ میں ساتھی اداکارہ صنم سعید کے ساتھ پرفارمنس بھی دی۔

یہ احوال تو پی ایس ایل کی افتتاحی تقریب کا تھا، یقیناً ابھی اس لیگ میں بہت کچھ دلچسپ دیکھنے کو ملے گا۔

---

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔