دی راک ریسلنگ پرستاروں کو چونکانے کے لیے تیار
مقبول ترین ریسلر اور ہولی وڈ اسٹار دی راک ڈبلیو ڈبلیو ای کے ایونٹ ریسل مینیا میں ایک زبردست سرپرائز کے ساتھ شرکت کریں گے۔
امریکی جریدے فوربس کی ایک رپورٹ کے مطابق دی راک کو ڈبلیو ڈبلیو ای نے ریسل مینیا میں اپنا کردار خود طے کرنے کا اختیار دے دیا ہے۔
رپورٹ کے مطابق ریسل مینیا کے انعقاد میں دو ہفتے کا وقت رہ گیا ہے مگر دی راک نے ڈبلیو ڈبلیو ای کو اب تک نہیں بتایا کہ وہ ایونٹ میں کیا کرنے کا ارادہ رکھتے ہیں۔
اس ایونٹ میں دیگ لیجنڈ ریسلرز اسٹون کولڈ اور مائیک فولی سمیت دیگر بھی شرکت کریں گے تاہم دی راک واحد ریسلر ہیں جو ریسل مینیا میں کسی موقع پر رنگ میں لڑتے ہوئے بھی نظر آسکتے ہیں جس سے مستقبل میں ایک بڑے میچ کی راہ ہموار ہوگی۔
پہلے سوچا جارہا تھا کہ ریسل مینیا 31 میں شرکت کے دوران ٹرپل ایچ سے ہونے والی گرما گرمی کے باعث رواں سال ان دونوں کا مقابلہ ہوگا تاہم دی راک کے مصروف فلمی شیڈول کے باعث ایسا ممکن نہیں ہوسکا۔
تو یہ امکان ہے کہ وہ دی راک ٹرپل ایچ کے اپنے کزن رومن رینز کے ساتھ مقابلے میں مداخلت کریں جس کے بعد یہ دونوں مقبول ریسلرز اگلے سال ریسل مینیا میں ایک دوسرے کے مدمقابل نظر آئیں۔
رپورٹ کے مطابق ایک امکان یہ بھی ہے کہ دی راک شین میکموہن اور انڈرٹیکر کے مقابلے میں مداخلت کرکے شین کو جیتنے میں مدد دیں جو کہ ان کے پرانے دوست بھی ہیں۔
تاہم دی راک نے خود عندیہ دیا ہے کہ وہ اس شو میں 'تاریخ' رقم کریں گے اور وہ ایسا سرپرائز ہوگا جس کی کسی کو توقع بھی نہیں ہوگی۔
تو بہترین منظرنامہ تو یہ ہے کہ دی راک مستقبل کے کسی ڈریم میچ کی بنیاد اس ایونٹ میں رکھ سکتے ہیں مگر وہ کس کے ساتھ ہوگا ابھی یہ کہنا مشکل ہے۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔