☰
یاسرحسین کی ویب سیریز کے ساتھ ڈیجیٹل دنیا میں انٹری
اپنی مزاحیہ اداکاری سے پہچانے جانے والے پاکستانی اداکار یاسر حسین نے ویب سیریز کے ساتھ ڈیجیٹل دنیا میں قدم رکھ دیا۔
فلم ’کراچی سے لاہور‘ کے اداکار یاسر تین دوستوں کی کہانی پر مبنی ویب سیریز ’کالا بچھو‘ میں کام کریں گے، جس کی کہانی بلاول عباسی نے تحریر کی اور وہی اس کی پروڈکشن اور ہدایت دے رہے ہیں۔
یاسر حسین نے اس حوالے سے ڈان سے بات کرتے ہوئے کہا کہ ’بلاول میرا بہت اچھا اور پُرانا دوست ہے، جب بھی انہوں نے کوئی پروجیکٹ کیا، میں اس کا حصہ ضرور بنا ہوں، اس بار وہ ایک ویب سیریز بنا رہے ہیں، میں تھیٹر، فلم اور ٹی وی میں کام کرچکا ہوں اور یہ ویب سیریز میرے لیے بالکل نئی ہے، میں یہ کرنا چاہتا ہوں‘۔