وہ جادوئی قصبہ جہاں سڑکیں نہیں ہیں
اگر تو آپ روز صبح دفتر، کالج یا کسی بھی کام پر نکلنے کے عادی ہیں تو سڑکوں اور ان پر ٹریفک کے مسئلے سے بخوبی واقف ہوں گے۔
تو تصور کریں ایک ایسے جادوئی قصبے کا جہاں سڑکیں پانی پر بنی ہوئی ہیں، جہاں گاڑیوں کے ہارن، اچانک بریک لگانے یا تیز رفتار ڈرائیورز کا سامنا نہیں ہوتا۔
جی ہاں واقعی ایک ایسا ہی جادوئی قصبہ اس دنیا میں موجود ہے جہاں سڑکوں کی جگہ نہروں کو دے دی گئی ہے۔
اور یہ قصبہ ہالینڈ میں واقع ہے جسے گیتھورن کا نام دیا گیا ہے، جہاں گھومنے یا کسی ایک سے دوسری جگہ جانے کے لیے کشتیوں، سائیکل یا اپنے پیروں کا سہارا لینا پڑتا ہے۔
یہ قصبہ ایمسٹرڈیم سے 75 میل شمال میں واقع ہے، جہاں نہروں کے اوپر پیدل چلنے والوں کے لیے 180 پل قائم ہیں۔
اور ہاں یہاں رہنے والوں کی تعداد بہت کم ہے بلکہ اکثر یہاں سیاح مقامی افراد سے زیادہ ہوتے ہیں۔
گرمیوں میں تو یہ قصبہ جنت نظیر لگتا ہی ہے مگر سردیوں میں نہریں برف سے جم جاتی ہیں اور گھومنے کا تجربہ زیادہ پرلطف ثابت ہوتا ہے۔
چار میل کے رقبے پر پھیلے اس قصبے میں ایک بھی گاڑی نہیں بلکہ نہروں کے ذریعے یہاں سے وہاں جایا جاتا ہے۔