Live Election 2018
الیکشن کمیشن کا امیداروں کی سیکیورٹی پر تحفظات کا اظہار
الیکشن کمیشن آف پاکستان نے عام انتخابات اور اُمیدواروں کی...
الیکشن کمیشن آف پاکستان نے عام انتخابات اور اُمیدواروں کی سیکیورٹی پر تحفظات کا اظہار کردیا۔
سیکریٹری الیکشن کمیشن نے نگراں وزیراعلیٰ پنجاب حسن عسکری کے نام خط میں اپنے خدشات کا اظہار کرتے ہوئے کہا کہ کئی علاقوں میں امیدواروں کو ہراساں کرنے اور دھمکیاں دینے کی اطلاعات ہیں۔
خط کے متن کے مطابق نارووال اور ملتان میں پیش آنے والے واقعات افسوس ناک ہیں اور صوبائی حکومت کو ہدایت کی کہ وہ ایسے واقعات کی روک تھام کے لیے موثر اقدامات کرے۔
سیکریٹری الیکشن کمیشن کا کہنا تھا کہ نگراں صوبائی حکومت، انتظامیہ اور پولیس شفاف اور پرامن انتخابات کا انعقاد یقینی بنانے کے لیے اقدامات کرے۔
واضح رہے کہ خط کی کاپی دیگر 3 صوبوں کے وزرائے اعلیٰ اورچیف سیکریٹریز کو بھی ارسال کی گئی ہے۔
خبر کی مزید تفصیل یہاں پڑھیں۔