Live Election 2018
دھماکوں سے ڈرنے والے نہیں، اسفندیار ولی
اگر اسفندیار پر بھی دھماکا ہو جائے تو بھی میرے کارکن الیکشن لڑیں گے، سربراہ اے این پی
عوامی نیشنل پارٹی (اے این پی) کے سربراہ اسفندیار ولی خان نے صوابی میں انتخابی مہم کا دوبارہ اغاز کرتے ہوئے کہا ہے کہ دھماکوں سے ڈرنے والے نہیں ہیں اگر اسفندیار پر بھی دھماکا ہو جائے تو میرے کارکن الیکشن لڑیں گے۔
ان کا کہنا تھا کہ ان لوگوں کو لالٹین سے خوف ہے اس لیے لالٹین کو ووٹ دیں یہی شہیدوں کے خون کا بدلہ ہے۔
اسفندیار ولی نے کہا کہ عمران خان نے سیاست سے شائستگی کو نکال دیا۔
سابق وزیراعلیٰ کے پی پرویز خٹک کی جانب سے پاکستان پیپلز پارٹی (پی پی پی) کے کارکنوں کے خلاف نامناسب الفاظ استعمال کرنے پر اپنے ردعمل دیتے ہوئے ان کا کہنا تھا کہ پرویز خٹک پیپلزپارٹی والوں کے خلاف نازیبا الفاظ استعمال کرتے ہیں حالانکہ وہ خود بھی تو پیپلز پارٹی کے ٹکٹ پر وزیر رہ چکے ہیں ان کے گھر پر بھی پی پی پی کا جھنڈا ہوتا تھا۔
خبر کی تفصیل یہاں پڑھیں۔