پاکستان کے 22 ویں وزیر اعظم عمران خان اپنے عہدے کی تقریب حلف برداری کے بعد وزیر اعظم ہاؤس پہچے جہاں انہیں گارڈ آف آنر پیش کیا گیا۔

عمران خان جب وزیر اعظم ہاؤس پہنچے تو سب سے پہلے قومی ترانے کی دھن بجائی گئی، جس کے بعد مسلح افواج کے چاق و چوبند دستے نے گارڈ آف آنر دیا۔

اس موقع پر عمران خان اپنی روایتی انداز میں ہی نظر آئے اور انہوں نے اپنے چہرے پر مسکراہٹ برقرار رکھی۔

گارڈ آف آنر کے بعد عمران خان نے وزیر اعظم ہاؤس کے اسٹاف اور دیگر ارکان سے ملاقات کی اور مصافحہ بھی کیا۔