دنیا بھر میں انسٹاگرام کے صارفین کی تعداد ایک ارب سے زائد ہے جس پر روزانہ ہی کروڑوں تصاویر پوسٹ ہوتی ہیں۔

اگر آپ فیس بک کی اس فوٹو شیئرنگ ایپ کو استعمال کرتے ہیں تو آپ کو دیگر افراد کی تصاویر پر ہزاروں لائیکس دیکھ کر حیرت ہوتی ہوگی مگر ایک شخصیت ایسی ہے جسے انسٹاگرام نے خود 2018 کی ملکہ قرار دیا ہے۔

یہ ہیں امریکی سوشل میڈیا اسٹار کائیلی جینر جو 2018 میں یوٹیوب کے ساتھ ساتھ اس سوشل میڈیا پلیٹ فارم پر بھی چھائی رہیں۔

یہاں تک کہ 2018 کی جو 10 تصاویر سب سے زیادہ لائیک کی گئیں ان میں سے 5 کائیلی جینر کی ہی تھیں۔

ان کی سب سے زیادہ پسند کی جانے والی فوٹو کو ایک کروڑ 18 لاکھ سے زائد افراد نے لائیک کیا جو ان کی بچی کی پہلی جھلک پر مبنی تھی۔

انسٹاگرام پر ان کے فالورز کی تعداد 12 کروڑ سے زائد ہے اور حیران کن طور پر ٹاپ 10 تصاویر میں سب سے زیادہ فالورز رکھنے والی سلینا گومز کی ایک تصویر بھی نہیں۔

ٹاپ 10 میں کرسٹیانو رونالڈو بھی شامل رہے جن کی 2 تصاویر اس فہرست کا حصہ ہیں۔

اب نیچے اس سال سب سے زیادہ پسند کی جانے والی تصاویر کو بھی دیکھ لیں۔

10۔ کرسٹیانو رونالڈو کی گرل فرینڈ کے ساتھ تصویر

9۔ کائیلی جینر کی اپنی بیٹی کے ساتھ تصویر

8۔ کائیلی جینر کی اپنی بیٹی کے ساتھ تصویر

7۔ کائیلی جینر کی اپنی بیٹی کے ساتھ تصویر

6۔ کرسٹیانو رونالڈو کا یوونٹس جانے کا اعلان

5۔ ریپر ایکس ایکس ایکس ٹینٹیشن کی موت سے پہلے پوسٹ کی گئی آخری تصویر

4۔ آریانا گرینڈے کی میک ملر کی موت کے بعد ان کی پوسٹ کی گئی تصویر

3۔ کائیلی جینر کی اپنی بیٹی کی ساتھ دوسری تصویر

2۔ جسٹن بیبر کا منگنی کا اعلان

1۔ کائیلی جینر کی بیٹی کی پہلی تصویر